Aqtaý qalasyndaǵy «Jastar úıi» alańynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti basshysy, Ádep jónindegi keńesiniń tóraıymy N. Jannazarovanyń aýmaqtyq jáne quqyq qorǵaý organdarynyń birinshi basshylarymen beıresmı kezdesýi bolyp ótti.
Is-shara memlekettik qyzmetshiler arasynda erkin suhbat alańyn qurý maqsatynda beıresmı formatta ótkizildi.
«Rýhanı Jańǵyrý» baǵdarlamasynyń «О́zgeristerdi ózińnen basta» atty memlekettik qyzmetshilerdiń sanasyn transformasııalaýǵa baǵyttalǵan kishi baǵdarlamasyn óńirimizde Agenttiktiń Mańǵystaý oblysy boıynsha aýmaqtyq departamenti júrgizýde. Osyǵan baılanysty, suhbat alańy mańǵystaýlyq memlekettik qyzmetshilerdiń oı-sanasy men oılaý órisin ózgertýge jańa ádisterdi qoldanýǵa baǵyttalǵan bolatyn.
Kezdesýge qatysýshylar memlekettik organdar qyzmetiniń túrli baǵyttary boıynsha kókeıindegi saýaldaryn qoıyp, ásirese áleýmettik qamtamasyz etý, ádep erejelerin saqtaý, memlekettik qyzmet júıesin jetildirý máselelerine tereńirek toqtaldy. QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti baspasóz qyzmetiniń habaralýynsha, departament basshysynyń osyǵan uqsas kezdesýleri túrli maqsatty toptarmen turaqty túrde ótkizilmek.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy